بسم الله الرحمن الرحيم
سنبدا شرح دروس النحو
بطريقة مبسطة
اقسام الكلمة : اسم و فعل و حرف
اعرفهم ازاي ؟
كل واحد و لييه علامات معينة تعالوا نشوف
الاسم ده كلمة بتدل علي الثبوت يعني مثلا واحد اسمه اسلام هيفضل اسمه اسلام علي طول
و اسم مثلا زي باب هو خلاص اتعرف ان ده اسمه باب مش هاجي بكرا يبقا حاجه تانيه
يبقا عرفنا الثبوت في الاسم
علاماته ايه ؟
ببساطة خالص
اول حاجة (ال) يعني عاوز تعرف ان ده اسمه دخل عليه (ال) و شوف المعني لو ماشية يبقا الكلمة دي اسم مش ماشية يبقا مش اسم
زي ايه
مثلا لما اقول شباك
مش عارفها اسم و لا لا حط كده ال
الشباك المعني ماشي يبقا ده اسم
قرأ. حط كده ال القرأ
ماشية؟ لا يبقا مش اسم
طب ايه تاني من علامات الاسم التنوين
قمر قمرٌ تنطق قمرن اسم
قرأ. قرأٌ تنطق قرأن تنفع ؟ يبقا مش اسم
و ايه كمان عندي النداء بأي اداة نداء لو نفع يبقا اسم
اظن كفاية دول نعرف بيهم الاسم
نيجي للفعل
الفعل ده حاجه يا حصلت(ماضي) يا اما بتحصل(مضارع) يا اما طلب انها تحصل (امر)
طيب ليه علامات
ايوة
زي تاء الفاعل
قرأ. قرأت. ادت معني اه يبقا ده فعل
كتب. كتبت
و ايه تاني
و نا الفاعلين و المفعولين
افهم يعني ايه الاول دول
نا فاعلين يعني ايه يعني جايه من الفاعل صح ؟
يبقا لازملها فعل صح ؟
طب اساسا هي بتيجي لازقه في الفعل يبقا نا الفاعلين دي هي الفاعل
لما اجي اعربها اقول ضمير مبني في محل رفع فاعل
زي ايه
ضربنا الولد (خلي بالك احنا اللي ضربنا يعني الفاعل احنا اللي هو نا الفاعلين هه)
تعاال بقا ل نا المفعولين من اسمها كده
هتبقا ايه
مفعول تمام بتقول صح
طب بتيجي برضوا لازقة في الفعل اه
زي
ضربنا الاستاذ (خلي بالك احنا اللي انضربنا مش ضربنا )
يبقا احنا اللي وقع علينا الفعل يبقا نا المفعولين ضمير مبني في محل نصب مفعول به
هفرق ازاي بالمعني حسب المعني
لو احنا الفاعل تبقي فاعل لو احنا المفعولي يبقا مفعول
احنا دي هي (نا)
عرفنا الفرق
طب الاتنين دول بقا من علامات الفعل
يعني لما اقول
قرأ. قرأنا. احنا قرأنا عرفت ان كده ده فعل
ضرب. ضربنا المعلم ليهذبنا. احنا اللي انضربنا. يبقا فعل
تمام ؟
طب انا قولتلك دول بيجوا مع مين ؟
مع الفعل هه
و معناهم ايه واحده فاعل و التانيه مفعول
صح ؟
ليه هو ممكن يكون في (نا) تالتة
ده اللي عاوز اقوله
لما (نا) تيجي لازقه في اسم تبقي مضاف اليه
لا اصبر عليا بقا عشان دماغي لفت
بص
اتفقنا نا فاعلين فاعل و نا مفعولين مفعول صح ؟
اعرفهم ازاي شوفيها بتدل ع ايه
حسب المعني صح
ضربنا الولد فضربنا المعلم
الاولي مين ضرب احنا يعني احنا فاعل
يبقا نا فاعل
التانيه مين انضرب احنا يعني احنا مفعول
يبقا نا مفعول
تعال كده
ل كلمة زي. كتابنا
هنا (نا)
و لا بتدل ع فاعل و لا مفعول
طب ما يا صاحبي كده مش فعل اساسا مش اتفقنا انهم بيجوا مع الفعل؟ الله بجد دخلت دماغي
طب ما دام مش فعل يبقا اسم و لما تيجي مع اسم تبقا مضاف اليه
وصلت ؟
زي كتير بقا
قلمنا. كتابنا. كراستنا.حروفنا.افعلانا
كل ده مضاف اليه
تعال للحروف
دي ملهاش معني غير باللي بيجي بعدها زي ايه
حروف الجر (من و علي و الي و في)
كل دول حروف تاخد معناها باللي بعدها
الحروف الناسخة ان و اخواتها برضوا كده
و حروف النفي لا و لا
و اي حرف كده بقا
ملهوش معني بذاته
كده عرفنا اقسام الكلمة كويس
اسم و فعل و حرف
هنعرف اكتر في اللي جاي
ملحوظة : بتكلم كده عشان ياما اتشرحلنا اللي في الكتب و نسيناه فاللي عاوزه ده و ده يرجع للكتب و شكرا
